Պաշտոնական. Ռեբիչը տեղափոխվեց Միլան, իսկ Անդրե Սիլվան՝ Այնտրախտ

«Միլանը» և «Այնտրախտը» փոխանակվել են ֆուտբոլիստներով:

Ակումբները հայտարարել են, որ գերմանական ակումբի հարձակվող Անտե Ռեբիչը վարձակալական հիմունքներով տեղափոխվել է Իտալիա, իսկ միլանցիների հարձակվող Անդրե Սիլվան՝ Գերմանիա: Ֆուտբոլիստների պայմանագրերը նախատեսված են 2 տարով: Տրանսֆերի մանրամասները հայտնի չեն:

Գերմանիայի առաջնության անցած մրցաշրջանում անցկացրած 28 հանդիպումներում Ռեբիչը խփել է 9 գոլ, իսկ Անդրե Սիլվան, ով վարձավճարով հանդես էր գալիս «Սևիլիայում», Լա լիգայի անցած մրցաշրջանում անցկացրած 27 հանդիպումներում խփել է 9 գոլ: