Պաշտոնական. Պոգբան ու Լինգարդը հեռանալու  են Մանչեսթեր Յունայթեդից

Պաշտոնական. Պոգբան ու Լինգարդը հեռանալու են Մանչեսթեր Յունայթեդից

01/06/2022 - 20:21

Ինչպես տեղեկացնում է «Մանչեսթեր Յունայթեդի» պաշտոնական կայքը, կիսապաշտպաններ Պոլ Պոգբան ու Ջեսի Լինգարդը հեռանալու են ակումբից։

Երկու ֆուտբոլիստների պայմանագրերն էլ լրանում են սույն թվականի հունիսի 30-ին, ինչից հետո դառնալու են ազատ գործակալ։

Հավելենք, որ Պոլ Պոգբան «Մանչեսթեր Յունայթեդի» սան է, որի համակարգում հանդես է եկել 2009-2012 թվականներին, ինչից հետո տեղափոխվել է «Յուվենտուս», սակայն 2016 թ. ամռանը «կարմիր սատանաները» 105 մլն եվրոյի դիմաց հետ գնեցին նրա տրանսֆերային իրավունքները։

Ֆրանսիացի կիսապաշտպանը մանկունյական ակումբի կազմում անցկացրել է 233 հանդիպում` դառնալով 39 գոլի և 51 գոլային փոխանցման հեղինակ։

Ինչ վերաբերում է Ջեսի Լինգարդին, անգլիացի ֆուտբոլիստը նույնպես «Յունայթեդի» սան է, որի մարազաշապիկով դաշտ է դուրս եկել 232 անգամ` դառնալով 35 գոլի և 21 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022