Պաշտոնական. Մարիո Բալոտելին նոր ակումբ ունի 📸
Անվանի հարձակվող Մարիո Բալոտելին տեղափոխվել է Արաբական Միացյալ Էմիրությունները ներկայացնող «Ալ Իթիֆակ», հաստատում է ակումբի մամուլի ծառայությունը։
Կողմերի կնքված պայմանագրի մանրամասները չեն հաղորդվում։
Իտալացի ֆուտբոլիստը 2025թ. հուլիսից ազատ գործակալ էր։ Նրա նախորդ ակումբն իտալական «Ջենոան» էր։
35-ամյա ֆուտբոլիստը նախկինում հանդես է եկել նաև «Ինտերում», «Միլանում», «Մանչեսթեր Սիթիում», «Լիվերպուլում», «Նիցայում», «Մարսելում» և բազմաթիվ այլ ակումբներում։
Բալոտելին Իտալիայի ազգային հավաքականում մասնակցել է 36 հանդիպման` գրանցելով 14 գոլ ու 5 ասիստ։
Դուբայը ներկայացնող «Ալ Իթիֆակը» հանդես է գալիս ԱՄԷ-ի երկրորդ դիվիզիոնում։ Ընթացիկ մրցաշրջանում ակումբը 12 խաղում միայն 6 միավոր է վաստակել ու զբաղեցնում է վերջին` 15-րդ տեղը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Ալ Իթիֆակ, ԱՄԷ-ի երկրորդ լիգա, Ինտեր, Լիվերպուլ, Մանչեսթեր-Սիթի, Մարիո-Բալոտելի, Միլան, տրանսֆերներ