Պաշտոնական. Գրիգորյանը հեռացել է Ալաշկերտի գլխավոր մարզչի պաշտոնից

Ինչպես տեղեկացնում է «Ալաշկերտի» մամուլի ծառայությունը, ակումբի գլխավոր մարզիչ Ալեքսանդր Գրիգորյանը հեռացել է զբաղեցրած պաշտոնից։

Աղբյուրի փոխանցմամբ` կողմերի միջև գործող պայմանագիրը խզվել է երկկողմ համաձայնությամբ։

Հաղորդվում է, որ «Ալաշկերտի» հիմնադիր-սեփականատեր Բագրատ Նավոյանի հետ հանդիպման ժամանակ 54-ամյա մասնագետը, կնոջ առողջական խնդիրների պատճառով, ցանկություն է հայտնել վերադառնալ Ռուսաստան։

Նշվում է, որ Նավոյանը, չնայած «Ալաշկերտի» համար կարևոր պահին, ընդառաջել է մարզչի խնդրանքը։

Հավելենք նաև, որ ակումբը նշել է, որ «Ալաշկերտի» նոր գլխավոր մարզչը հայտնի կդառնա շուտով։ Բացի դրանից, ակումբն իր հայտարարության մեջ փոքրիկ Spoiler է արել` նշելով, որ ԻՆՔԸ չի լինելու գլխավոր մարզիչը։ Ենթադրաբար խոսքն Աբրահամ Խաշմանյանի մասին է, ով իր մարզչական կարիերայի ընթացքում 4 անգամ գլխավորել է «Ալաշկերտը»։

Հիշեցնենք, որ, ըստ ստացված նախնական տեղեկությունների, Ալեքսանդր Գրիգորյանը «Ալաշկերտը» լքել է Մոսկվայի ԲԿՄԱ-ի կանանց թիմը գլխավորելու նպատակով, որից առաջարկ ստացել է դեռևս շաբաթներ առաջ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am