Պաշտոնական. «Բարսելոնայից» հեռացել է չորս ֆուտբոլիստ 📸
Տրանսֆերային պատուհանի փակման օրը «Բարսելոնայից» հեռացել է միանգամից չորս ֆուտբոլիստ, հայտնում է ակումբի մամուլի ծառայությունը։
«Բլաուգրանայի» կիսապաշտպան Մարկ Կասադոն մինչև 2027թ. հուլիսի 1-ը վարձավճարով համալրել է Իսպանիայի Լա լիգայի նորեկ «Դեպորտիվոյի» կազմը։
Ինսայդեր Ֆաբրիցիո Ռոմանոյի տվյալներով` Լա Կորունիան ներկայացնող ակումբը հաջորդ ամռանը կունենա 30 միլիոն եվրոյով իսպանացի ֆուտբոլիստի տրանսֆերային իրավունքի գնման պայմանագրային հնարավորություն։
22-ամյա ֆուտբոլիստը կատալոնական գրանդի համակարգում էր 2016թ. հուլիսից, որի գլխավոր թիմում 75 խաղում խփել է 1 գոլ, կատարել 7 ասիստ։
Ենթահարձակվող Տոնի Ֆեռնանդեսը վարձավճարով տեղափոխվել է «Վենեցիա»։
Իտալիայի Ա Սերիայի նորեկը 2027թ. ամռանը 4 միլիոն եվրոյով կգնի 18-ամյա ֆուտբոլիստի տրանսֆերը։
«Կապտանռնագույնները» երիտասարդ ֆուտբոլիստի հաջորդ տրանսֆերից կունենան նաև 50 տոկոս մասնաբաժին։
Ֆեռնանդեսը «Բարսելոնայում» հանդես էր գալիս 2018թ. հուլիսից։ Նա ակումբի հիմնական թիմում 2 հանդիպման է մասնակցել։
Կենտրոնական կիսապաշտպան Գիյե Ֆեռնանդեսը համալրել է «Մալյորկայի» կազմը։
18-ամյա ֆուտբոլիստն Իսպանիայի երկրորդ լիգան` Սեգունդան ներկայացնող ակումբի հետ պայմանագիր է ստորագրել, որը կսպառվի 2031թ. հուլիսի 1-ին։
Transfermarkt-ի տվյալներով` «Մալյորկան» երիտասարդ կիսապաշտպանին ձեռք է բերել 4 միլիոն եվրոյով։
Ֆեռնանդեսը «Բարսելոնայի» երիտասարդական թիմում մասնակցել է 62 հանդիպման` գրանցելով 8 գոլ ու 3 ասիստ։
«Բարսելոնան» լքել է նաև կենտրոնական պաշտպան Ալվարո Կորտեսը` տեղափոխվելով «Անտվերպեն»։
21-ամյա ֆուտբոլիստը պայմանագիր է կնքել նոր ակումբի հետ, որը կգործի 2030թ. հունիսի 30-ը ներառյալ։
Transfermarkt-ը հաստատում է, որ բելգիական ակումբն իսպանացի պաշտպանի տրանսֆերը գնել է 3,5 միլիոն եվրոյով։
Կորտեսը «Բլաուգրանայի» գլխավոր թիմում մասնակցել է 1 հանդիպման։ Նա «Բարսելոնա Բ»-ում դաշտ է դուրս եկել 58 անգամ, խփել 3 գոլ, կատարել 2 ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml