Պաշտոնական․ Վիլլառեալի հարձակվողը հանդես կգա Լիոնի կազմում
21/01/2020 - 00:49
Ինչպես տեղեկացնում է «Լիոնի» պաշտոնական կայքը, ակումբը մինչև մրցաշրջանի ավարտը վարձակալել է «Վիլլառեալի» 27-ամյա հարձակվող Կառլ Տոկո Էկամբիին։ Ֆրանսիական ակումբը վարձակալության համար «դեղին սուզանավներին» կվճարի 4․5 մլն եվրո։ Դեռևս հայտնի չէ՝ մրցաշրջանի ավարտին ֆրանսիական ակումբը խաղացողի տրանսֆերը գնելու անմիջական իրավունք ունենալու՞ է , թե՞ ոչ։
Ֆրանսիական ակումբն այս քայլին է գնացել, քանի որ հիմնական հարձակվող Մեմֆիս Դեպայը ծանր վնասվածքի պատճառով բաց է թողնելու մրցաշրջանի մնացած հատվածը։