Պաշտոնական․ Էդեգորը վերադարձավ Ռեալ
13/08/2020 - 00:07
Ինչպես տեղեկացնում է «Ռեալ Սոսիեդադի» պաշտոնական կայքը, կիսապաշտպան Մարտին Էդեգորը վերադարձել է «Ռեալը»։ Նորվեգացի ֆուտբոլիստը բասկյան ակումբում հանդես էր գալիս վարձակալությամբ։
Չնայած Էդեգորի վարձակալությունը նախատեսված էր ևս մեկ տարով, 21-ամյա ֆուտբոլիստը ժամանակից շուտ վերադարձել է «արքայական» ակումբ։
Ավելի վաղ հայտնի էր դարձել, որ Էդեգորի վերադարձով շահագրգռված է անձամբ Զինեդին Զիդանը, ով նշել է, որ ավարտված մրցաշրջանում կիսապաշտպանի ցուցադրած խաղով պարզապես հիացած է։
Լա լիգայի ավարտված մրցաշրջանի շրջանակում Մարտին Էդեգորը «Ռեալ Սոսիեդադի» կազմում մասնակցել է 31 հանդիպման՝ դառնալով 4 գոլի և 7 գոլային փոխանցման հեղինակ։