ՈՒԵՖԱ-ն 33 տարի անց ուղղել է իր պատմական սխալը 🎥📸

17/09/2025 - 20:25

ՈՒԵՖԱ-ն Սլովակիային պաշտոնապես ճանաչել է Եվրոպայի չեմպիոն։

1992թ. Չեխոսլովակիայի փլուզումից ու երկրների առանձնացումից հետո Եվրո-1976-ի հաղթող անհասկանալի պատճառով ընդունվում էր միայն Չեխիան, սակայն գրեթե 50 տարի անց` սեպտեմբերի 12-ին, ՈՒԵՖԱ-ն ուղղել է իր պատմական սխալը։

ՈՒԵՖԱ-ի պաշտոնական կայքում Եվրոպայի չեմպիոն դարձած երկրների շարքում ավելացվել է նաև Սլովակիայի անունը։

Պետք է ընգծել, որ Եվրո-1976-ում չեմպիոնի թիմում սլովակ ֆուտբոլիստները գերակշռել են չեխերին` 7-ն ընդդեմ 6-ի։

Եվրո-1976-ում Չեխոսլովակիայի հավաքականը չեմպիոնի տիտղոսը նվաճել է ԳԴՀ-ի թիմին հետխաղյա 11-մետրանոցներով հաղթելու շնորհիվ։ Այդ խաղում Անտոնին Պանենկան իրացրել է իր լեգենդար հարվածը։ Այդ հարցածը հաղթական է եղել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# Անտոնին Պանենկա, ԳԴՀ-ի հավաքական, Եվրո-1976, Եվրոպայի առաջնություն, ՈւԵՖԱ, Չեխիայի հավաքական, Չեխոսլովակիայի հավաքական, Սլովակիայի հավաքական