ՈՒԵՖԱ-ն   Եվրո-2028-ի և 2032-ի ընդունման և անցկացման երեք հայտ է ստացել

ՈՒԵՖԱ-ն Եվրո-2028-ի և 2032-ի ընդունման և անցկացման երեք հայտ է ստացել

20/11/2022 - 09:54

Ինչպես տեղեկացնում է ՈՒԵՖԱ-ի պաշտոնական կայքը, Կազմակերպությունը նոյեմբերի 16-ին Եվրո-2028-ի և 2032-ի անցկացման երեք հայտ է ստացել։

Աղբյուրի փոխանցմամբ` Անգլիայի, Հյուսիսային Իռլանդիայի, Իռլանդիայի, Շոտլանդիայի և Ուելսի ֆուտբոլային ասոցիացիաները համատեղ հայտ են ներկայացրել` Եվրո-2028-ն ընդունելու և անցկացնելու համար։

Թուրքիան էլ, իր հերթին, հայտ է ներկայացրել` ինչպես Եվրո-2028-ն, այնպես էլ Եվրո-2032-ն անցկացնելու համար։

Եվրո-2032-ի անցկացման հայտ է ներկայացրել նաև Իտալիան։

Նշվում է, որ Եվրո-2028-ի և Եվրո-2032-ի ընդունման և անցկացման հայտերի վերջնաժամկետը 2023 թ. ապրիլի 12-ն է։

Հաղորդվում է, որ ՈՒԵՖԱ-ն Եվրո-2028-ի և 2032-ի ընդունող երկրի անունը կհայտարարի 2023 թ. սեպտեմբերին։

Հավելենք, որ Եվրո-2024-ը տեղի է ունենալու Գերմանիայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022