Նյուքասլը մոտ է խոշոր տրանսֆեր իրականացնելուն

Նյուքասլը մոտ է խոշոր տրանսֆեր իրականացնելուն

05/06/2022 - 10:06

Ֆրանսիական Լիգա 1-ը ներկայացնող «Ռեյմսի» կենտրոնական հարձակվող Յուգո Էկիտիկեն, ամենայն հավանականությամբ, կարիերան կշարունակի «Նյուքասլի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, «կաչաղակները» 19-ամյա ֆուտբոլիստի տրանսֆերի հարցում հասել են վերջնական համաձայնության, իսկ գործարքի դիմաց «Ռեյմսին» կվճարեն 30 մլն եվրո, որին հետագայում հավելավճարների տեսքով կավելանա ևս 5 միլիոն։

Սպասվում է, որ ֆրանսիացի հարձակվողը նոր ակումբի հետ կկնքի 5 տարվա պայմանագիր` մինչև 2027 թ. հունիսի 30-ը։

Հաղորդվում է, որ Էկիտիկեի գործակալը «Ռեյմսից» թույլտվություն ստանալուց հետո այժմ բանակցություններ է վարում «Նյուքասլի» հետ, որպեսզի ավարտին հասցնի գործարքը։

Նշվում է, որ երիտասարդ ֆուտբոլիստի ծառայություններով հետաքրքրված է նաև «Բորուսիա Դորտմունդը», սակայն ռուրյան ակումբը նրա հետ պայմանագիր կնքելու հնարավորությունը գործնականում կորցրել է։

Ինչ վերաբերում է «Նյուքասլին», ապա «կաչաղակները» դեռևս 2022 թ. ձմեռային պատուհանի ժամանակ էին մոտ Էկիտիկեին գնելուն, սակայն գործարքն ինչ-ինչ պատճառներով չկայացավ։

Հավելենք, որ Յուգո Էկիտիկեն ավարտված մրցաշրջանում «Ռեյմսի» կազմում անցկացրել է 27 հանդիպում` դառնալով 11 գոլի և 5 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022