«Նյուքասլը» ակումբի պատմության մեջ ամենախոշոր տրանսֆերը կիրականացնի 📸
«Շտուտգարտի» հարձակվող Նիկ Վոլթեմադեն կարիերան կշարունակի «Նյուքասլում», հայտնում է ինսայդեր Ֆաբրիցիո Ռոմանոն։
Անգլիական ակումբը համաձայնեցրել է գերմանացի ֆուտբոլիստի տրանսֆերն ու նրա տեղափոխության համար կվճարի 85 միլիոն եվրո։ Գործարքում նաև հավելավճարներ կներառվեն։
23-ամյա հարձակվողը «կաչաղակների» հետ երկարաժամկետ պայմանագիր կստորագրի։
Այս գործարքը կդառնա «Նյուքասլի» պատմության մեջ ամենաթանկ տրանսֆերն ու կգերազանցի Ալեասանդր Իսակի ռեկորդը։ Ակումբը շվեդ հարձակվողին 2022 թ. ամռանը ձեռք է բերել 70 միլիոն եվրոյով։
Ավելի վաղ Նիկ Վոլթեմադեի ծառայություններով հետաքրքրված էր «Բավարիան», սակայն «Շտուտգարտը» հրաժարվել է 50 միլիոն եվրոյով վաճառել նրա տրանսֆերը։
Գերմանացի ֆուտբոլիստը «Շտուտգարտում» հանդես է գալիս 2024 թ. հուլիսից, 36 խաղում 18 գոլ է խփել, կատարել ասիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Նիկ Վոլթեմադե, Նյուքասլ, Շտուտգարտ, տրանսֆերներ, Ֆաբրիցո Ռոմանո