Նեյմարը վնասվածքով գոլ և ասիստ է գրանցել` օգնելով «Սանթոսին» անչափ կարևոր հաղթանակ տանել 🎥
Նեյմարը վնասվածքով գոլ և ասիստ է գրանցել` օգնելով «Սանթոսին» անչափ կարևոր հաղթանակ տանել 🎥
29/11/2025 - 12:40

Բրազիլիայի Ա սերիայի 36-րդ տուրում «Սանթոսը» «Վիլա Բելմիրո» ստադիոնում 3:0 հաշվով հաղթել է «Սպորտ Ռեսիֆիին»։

Տանտերերից տպավորիչ հանդիպում է անցկացրել Բրազիլիայի ազգային հավաքականի պատմության մեջ լավագույն ռմբարկու (79 գոլ) Նեյմարը, որը գոլ և ասիստ է գրանցել։

Խուան Վոյվոդայի գլխավորած թիմից Նեյմարի փոխանցումը եզրափակել է Ժոաո Շմիդտը, իսկ մրցակցի կիսապաշտպան Ժոաո Կալը գրավել է սեփական դարպասը։

Ինսայդեր Ֆաբրիցիո Ռոմանոն հայտնում է, որ Նեյմարը չնայած մենիսկի վնասվածքին ու բժիշկների հորդորներին, մասնակցել է «Սպորտ Ռեսիֆիի» դեմ հանդիպմանը։

Նախնական տեղեկություններով` 33-ամյա կիսապաշտպանն այս տարի այլևս խաղադաշտ չպետք է դուրս գար «Միրասոլի» դեմ խաղում (1:1) ստացած վնասվածքի պատճառով։

Աստղային ֆուտբոլիստը 2025թ. հունվարին է 12 տարի անց վերադարձել հարազատ «Սանթոս», 26 խաղում խփել է 8 գոլ, կատարել 4 արդյունավետ փոխանցում։

«Սանթոսը» հաղթանակի շնորհիվ միավորների քանակը հասցրել է 41-ի ու 15-րդ տեղում է։ Ակումբն ընդամենը 2 միավորով է առաջ վտանգավոր գոտում գտնվող` 17-րդ տեղը զբաղեցնող «Վիտորիայից»։

«Սպորտ Ռեսիֆին» 17 միավորով վերջինն է` 20-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2025