Մխիթարյանը՝ երկրպագուների վարկածով «Տարվա լավագույն անհատական ելույթ» մրցանակի հաղթող
02/01/2021 - 23:25
«Ռոման» իր Twitter-ի պաշտոնական օգտահաշվում տարբեր անվանակարգերում հաղթողներին պարզելու համար անցկացնում էր քվեարկություններ։
Հունվարի 2-ին հայտնի դարձավ, որ «Տարվա լավագույն անհատական ելույթ» անվանակարգում հաղթող է դարձել հայազգի կիսապաշտպան Հենրիխ Մխիթարյանը։ Հենոն այդ մրցանակին արժանացել է Ա սերիայի 2020/21 մրցաշրջանի 7-րդ տուրի «Ջենոայի» դեմ խաղում ցուցադրած փայլուն խաղի համար։ 31-ամյա կիսապաշտպանը նոյեմբերի 8-ին կայացած խաղում դարձավ հեթ-տրիկի հեղինակ՝ օգնելով հռոմեական ակումբին հաղթել 1։3 հաշվով։
«Գայլերն» այդ խաղի Հենոյի մասնակցությամբ լավագույն դրվագներով տեսանյութ են հրապարակել ակումբի պաշտոնական սոցհարթակներում։