Մինչդեռ Լա լիգան դադարեցված է, իսպանական ակումբները կմասնակցեն FIFA 20-ի մրցաշարին

Մինչդեռ Լա լիգան դադարեցված է, իսպանական ակումբները կմասնակցեն FIFA 20-ի մրցաշարին

19/03/2020 - 13:36

Լա լիգայի ակումբները ֆուտբոլից չկտրվելու այլընտրանք են գտել։ Մինչդեռ առաջնությունը դադարեցված է, իսպանական ակումբները FIFA 20-ի մրցաշարի են մասնակցում։

Ինչպես տեղեկացնում է Football Espana-ն, ներքին առաջնության բոլոր 20 ակումբները տվել են մրցաշարին մասնակցելու իրենց համաձայնությունը։ Ամեն ակումբից կխաղա մեկ ֆուտբոլիստ․ «Ռեալը» ներկայացնելու է Մարկո Ասենսիոն, «Բարսելոնան»՝ Սերժի Ռոբերտոն, «Ատլետիկոն»՝ Մարկոս Լյորենտեն։ Հայտնի է նաև, որ մրցաշարին կմասնակցեն Ադնան Յանուզայը («Ռեալ Սոսիեդադ»), Կարլոս Սոլերը («Վալենսիա»), Լուկաս Պերեսը («Ալավես») և այլ հայտնի ֆուտբոլիստներ։

Վիճակահանությունը տեղի կունենա այսօր՝ մարտի 19-ին։ Հանդիպումները տեղի կունենան մարտի 20-22-ը։

Հիշեցնենք, որ ինչպես եվրոպական մյուս թոփ առաջնությունները, այնպես էլ Լա լիգան կորոնավիրուսի պատճառով դադարեցվել է։

# , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022