Մեսսին նշել է, թե որ ֆուտբոլիստների օգտին ձայն կտար «Ոսկե գնդակի» քվեարկության ժամանակ

ՊՍԺ-ի հարձակվող Լեո Մեսսին կիսվել է և նշել, թե որ ֆուտբոլիստների օգտին ձայն կտար «Ոսկե գնդակի» քվեարկության ժամանակ.

«Անկասկած, մեր թիմում կան ֆուտբոլիստներ, որոնց ես կտայի իմ ձայնը։ Խոսքը Նեյմարի և Կիլիան Մբապեի մասին է։

Մյուս կողմից էլ կան մի շարք այլ ֆուտբոլիստներ, ինչպես օրինակ, Ռոբերտ Լևանդովսկին և Կարիմ Բենզեման, ովքեր հիանալի մրցաշրջան են անցկացրել։

«Ոսկե գնդակ» նվաճելը հեշտ չէ, քանի որ շատ բանի պետք է հասնես անհատական խաղի տեսանկյունից, սակայն հաղթանակը Չեմպիոնների լիգայում, Կոպա Ամերիկայում կամ էլ Եվրոպայի առաջնությունում մեծ նշանակություն են ունենում մրցանակը նվաճելու հարցում»,- նշել է արգենտինացի ֆուտբոլիստը France Football-ին տված հարցազրույցի ժամանակ, որը մեջբերում է AS-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am