Մեսսիի ու Սուարեսի հերթական բենեֆիսը. Ինտեր Մայամին` ՉԼ 1/4 եզրափակիչում է 🎥
14/03/2024 - 11:43
ԿՈՆԿԱԿԱՖ-ի (Խմբ.` Հյուսիսային ու Կենտրոնական Ամերիկայի և Կարիբյան ավազանի ֆուտբոլային կոնֆեդերացիա) Չեմպիոնների լիգայի 1/8 եզրափակիչի պատասխան խաղում «Ինտեր Մայամին» ամերիկյան դիմակայությունում մրցեց «Նեշվիլի» դեմ։
Դիմակայության առաջին խաղում գրանցվել էր 1:1 հաշիվը։
Պատասխան խաղում «Ինտեր Մայամին» 3:1 հաշվով վստահ հաղթանակ տարավ` դուրս գալով քառորդ եզրափակիչ։
Խերարդո Մարտինոյի թիմի գոլերը խփեցին Լեո Մեսսին, Լուիս Սուարեսը և Ռոբերտ Թեյլորը։ Հյուրերի կազմից էլ աչքի ընկավ Սեմ Սարիջը։
Մեսսին ու Սուարեսը նաև մեկական գոլային փոխանցում կատարեցին։
«Ինտեր Մայամին» 1/4 եզրափակիչում մրցելու է «Մոնտերեյ» (Մեքսիկա) – «Ցինցինատի» (ԱՄՆ) դիմակայության հաղթողի դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am