Մարոկկոն ջախջախել է Նիգերին` նվաճելով ԱԱ-2026-ի ուղեգիր 🎥

Մարոկկոն ջախջախել է Նիգերին` նվաճելով ԱԱ-2026-ի ուղեգիր 🎥

06/09/2025 - 10:50

Մարոկկոյի ազգային հավաքականն ԱԱ-2026-ի աֆրիկյան ընտրական մրցաշարի 7-րդ տուրում սեփական դաշտում 5:0 հաշվով հաղթել է Նիգերի թիմին։

Ռաբաթում կայացած խաղում Վալիդ Ռեգրագիի գլխավորած թիմից դուբլ է գրանցել Իսմայել Սայբարին, մեկական գոլ էլ խփել են Այուբ Էլ-Կաբին, Համզա Իգամանը, Ազեդին Ունահը։

Նիգերը 26-րդ րոպեից խաղում էր 10 ֆուտբոլիստով. դաշտից հեռացվել է Աբդուլ Լատիֆ Գումեյը։ Հյուրերը բոլոր գոլերը բաց են թողել կարմիր քարտից հետո։

Մարոկկոն E խմբում վաստակել է 18 միավոր, առաջին տեղում է` ընտրական մրցաշարից երկու տուր առաջ նվաճելով ԱԱ-2026-ի ուղեգիր։ «Ատլասե առյուծները» Աֆրիկայից առաջինն են նվաճել Մունդիալի ուղեգիր։

Նիգերը 6 միավորով 4-րդն է խմբում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023