Մանչեսթեր Յունայթեդի պաշտպանը պատրաստ է տեղափոխվել Միլան

Մանչեսթեր Յունայթեդի պաշտպանը պատրաստ է տեղափոխվել Միլան

12/01/2022 - 17:22

«Միլանը» շարունակում է փոխարինող փնտրել կենտրոնական պաշտպան Սիմոն Կյայերի համար, ով ծնկի խաչաձև կապանների կտրածքի պատճառով ընթացիկ մրցաշրջանում չի կարող այլևս օգնել «ռոսոներիներին»։

Ինչպես տեղեկացնում է հանարահայտ լրագրող Ջանլուկա Դի Մարցիոյի կայքը, ներկա պահին այդ դիրքի ամրապնդման ամենահավանական տարբերակը «Մանչեսթեր Յունայթեդի» կենտրոնական պաշտպան Էրիկ Բային է։

Աղբյուրի փոխանցմամբ` միլանյան ակումբը ցանկանում է վարձակալել 27-ամյա ֆուտբոլիստին, իսկ ինքը`Բային համաձայնություն է տվել այդ հավանական գործարքին։

Հաղորդվում է, որ «կարմիր սատանաները» նույնպես պատրաստ են բաժանվել իվուարցի պաշտպանից։

Հատկանշական է, որ Բայիի «Միլան» տեղափոխությանը կարող է նպաստել նաև այն փաստը, որ «ռոսոներիների» կենտրոնական պաշտպան Մատիա Գաբիան, հնարավոր է, վարձավճարով հեռանա ակումբից. նրա ծառայություններով հետաքրքրված են «Կալյարին» և «Սամպդորիան»։

Նշվում է, որ ամռանը «Միլանը» պատրաստվում է լրջորեն ամրապնդել կենտրոնական պաշտպանի դիրքը, և «ռոսոներիները» իրենց շարքերում են ցանկանում տեսնել Սվեն Բոտմանին («Լիլ»), Նիկոլո Կազալեին («Վերոնա») և Գլեյսոն Բրեմերին («Տորինո»)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022