Մահացել է Ատլետիկոյի, Բարսելոնայի, Ռեալի նախկին գլխավոր մարզիչը
06/04/2020 - 23:33
Ինչպես տեղեկացնում է «Ատլետիկո Մադրիդի» պաշտոնական կայքը, 71 տարեկան հասակում կյանքից հեռացել է ակումբի լեգենդար գլխավոր մարզիչներից մեկը՝ Ռադոմիր Անտիչը։
«Ատլետիկոյի մեծ ընտանիքը սգում է Ռադոմիր Անտիչի մահվան կապակցությամբ։ Դուք միշտ կապրեք մեր սրտերում։ Հանգչի՛ր խաղաղությամբ»,- նշվում է մադրիդյան ակումբի պաշտոնական հայտարարության մեջ։
Սերբ մասնագետը «Ատլետիկոն» գլխավորել է 1995-1998 թթ․, ինչպես նաև 1999 և 2000 թվականներին։ Մասնագետի գլխավորությամբ «հնդկացիները» 1995/96 մրցաշրջանում դարձել են Լա լիգայի չեմպիոն և Իսպանիայի գավաթակիր։
Նշենք նաև, որ Անտիչը 1991/92 մրցաշրջանում աշխատել է «Ռեալի» հետ, իսկ 2003 թվականին գլխավորել է «Բարսելոնան»։