Ղադիմյանը շարունակում է արդյունավետ ֆուտբոլը🎥

Բելառուսի Բարձրագույն լիգայի 24-րդ տուրի շրջանակում «Նեմանը» սեփական հարկի տակ 2։0 հաշվով առավելության է հասել «Մինսկի» նկատմամբ։

«Նեմանի» կազմում հերթական գոլի հեղինակ է դարձել Հայաստանի հավաքականի ֆուտբոլիստ Գեղամ Ղադիմյանը, ով 38-րդ րոպեին հաշիվը դարձրել է 2։0։

Հավելենք, որ 27-ամյա հայազգի ֆուտբոլիստը Բելառուսի ընթացիկ մրցաշրջանի շրջանակում դարձել է արդեն 9 գոլի և 4 գոլային փոխանցման հեղինակ։ Լավագույն ռմբարկուների պայքարում Ղադիմյանը զբաղեցնում է 4-րդ հորիզոնականը՝ առաջատարին զիջելով 4 գոլ։

«Նեմանն» այդ հաղթանակից հետո վաստակեց 44 միավոր և զբաղեցնում է 3-րդ հորիզոնականը։ Առաջին հորիզոնականը զբաղեցնում է Սոլիգորսկի «Շախտյորը», որը 23 խաղից հետո ունի 46 միավոր։