Հոլանդացիները փայլեցին` ջախջախելով Չեռնոգորիային🎥

Աշխարհի 2022 թ. առաջնության որակավորման փուլի 5-րդ տուրում Հոլանդիայի հավաքականը G խմբի շրջանակում Էյնդհովենի «Ֆիլիպս» մարզադաշտում մրցեց Չեռնոգորիայի ընտրանու դեմ։

«Նարնջագույնները» ողջ հանդիպման ընթացքում ունեին տոտալ առավելություն և որևէ հնարավորություն չտվեցին Բալկանյան թերակղզին ներկայացնող երկրի հավաքականին` ջախջախելով 4:0 հաշվով։

Լուի Վան Գալի թիմից դուբլի հեղինակ դարձավ Մեմֆիս Դեպայը, մեկական անգամ էլ աչքի ընկան Ժորժինիո Վեյնալդումն ու Կոդի Գապկոն։

Այս խմբում կայացել է ևս երկու հանդիպում.

Լատվիա 0:2 Նորվեգիա

Ջիբրալթար 0:3 Թուրքիա

G խմբի մրցաշարային աղյուսակն ունի հետևյալ տեսքը.

1. Թուրքիա – 11 միավոր
2. Հոլանդիա – 10 միավոր
3. Նորվեգիա – 10 միավոր
4. Չեռնոգորիա – 7 միավոր
5. Լատվիա – 4 միավոր
6. Ջիբրալթար – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am