Հայաստանի Մ19 հավաքականը ոչ-ոքի գրանցեց Թուրքիայի հետ 🎥
Ֆուտբոլի Հայաստանի Մ19 հավաքականը Եվրոպայի առաջնության որակավորման B լիգայի B2 խմբի երկրորդ տուրում ոչ-ոքի (1:1) գրանցեց Թուրքիայի թիմի դեմ խաղում։
Ռազմիկ Գրիգորյանի գլխավորած թիմից 17-րդ րոպեին բացեց «Նոայի» հարձակվող Մայքլ Ասրիյանը, որին մրցակիցը 34-րդ րոպեին պատասխանեց «Գալաթասարայի» պաշտպան Յուսուֆ Կահրամանի դիպուկ հարվածով։
Հայաստանի թիմը երկրորդ ոչ-ոքին գրանցեց ու 2 միավորով խմբում 3-րդն է։ Թուրքերը 4 միավորով խմբի առաջատարն են։
Երկրորդ տեղը զբաղեցնող Կոսովոն նույնպես 4 միավոր ունի։ Ջիբրալթարը մրցաշարի երկու խաղում էլ պարտվել է 0:7 հաշվով և վերջինն է` 4-րդը։
Հայ ֆուտբոլիստները մրցաշարի վերջին խաղում մարտի 30-ին կմրցեն հենց Ջիբրալթարի դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml