Հայաստանի Մ-21 տարեկանների հավաքականը ջախջախիչ հաշվով պարտվեց Ֆրանսիայի Մ-21-ին🎥
12/11/2021 - 01:34
Հայաստանի Մ-21 տարեկանների հավաքականը Եվրո-2023-ի որակավորման փուլի 6-րդ տուրում H խմբի շրջանակում հյուրընկալվելիս մրցեց Ֆրանսիայի իրենց տարեկիցների հավաքականի դեմ։
Ցավոք, Ռաֆայել Նազարյանի սաները չկարողացան լուրջ դիմադրություն ցույց տալ և պարտվեցին 0:7 հաշվով։
Տանտերերի կազմից դուբլի հեղինակներ դարձան Արնո Կալիմուենդո Մուինգան ու Սոֆիան Դիոպը, մեկական անգամ էլ աչքի ընկան Մաքսենս Կակերեն, Ռայան Չերկին և Էնցո Լե Ֆեն։
Այս հաղթանակից հետո «եռագույնները» վաստակեցին 13 միավոր և գլխավորում են H խումբը։
Հայաստանն էլ մնաց 5 միավորով և եզրափակում է խումբը` զբաղեցնելով 6-րդ հորիզոնականը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am։