Հայաստանի Մ-21 հավաքականի մրցակիցները Եվրո-2027-ի որակավորման փուլում 📸

Շվեյցարիայի Նիոն քաղաքում կայացել է Եվրոպայի Մ-21 առաջնության որակավորման փուլի վիճակահանությունը։

Հայաստանի երիտասարդական հավաքականն ընդգրկվել է E խմբում և կմրցի Իտալիայի, Լեհաստանի, Շվեդիայի, Հյուսիսային Մակեդոնիայի և Չեռնոգորիայի թիմերի դեմ։

Եվրո-2027-ի որակավորման փուլի հանդիպումները կկայանան 2025 թ. մարտից 2026 թ. հոկտեմբեր ընկած ժամանակահատվածում։

Մրցաշարի եզրափակիչ փուլի ուղեգիր կնվաճեն 9 խմբերի հաղթողներն ու երկրորդ տեղը գրաված հավաքականներից լավագույն արդյունք ունեցողը, իսկ երկրորդ տեղը զբաղեցրած մյուս 8 հավաքականները պայքարը կշարունակեն փլեյ-օֆֆ-ում։

Հավելենք, որ Եվրոպայի երիտասարդական առաջնությունը կկայանա Սերբիայում և Ալբանիայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից