Հայաստանի հավաքականի հայտացուցակում մեկ նորեկ կա

Ինչպես արդեն տեղեկացրել ենք, Հայաստանի հավաքականի գլխավոր մարզիչ Ալեքսանդր Պետրակովը հրապարակել է այն ֆուտբոլիստների ցանկը, ովքեր հրավիրվել են` մասնակցելու առաջիկա հանդիպումներին։

Հայտացուցակում ընդգրկված է նաև «Ուրարտուի» 22-ամյա կիսապաշտպան Նարեկ Աղասարյանը, ով առաջին անգամ է հրավեր ստացել Հայաստանի հավաքականից։

Պետք է ընդգծել, որ տևական դադարից հետո հավաքական են հրավիրվել Ալբերտ Խաչումյանը (վերջին հանդիպումւ հավաքականի կազմում` 2021 թ. հունիսի 5), Արթուր Միրանյանը (2021 թ. հունիսի 5) և Ժիրայր Շաղոյանը (2023 թ. մարտի 28)։

Նշենք, որ նախորդ հանդիպումների համեմատ, Հայաստանի հավաքականի հայտացուցակից դուրս են մնացել Տիգրան Բարսեղյանը, Սարգիս Ադամյանն ու Նորբերտո Բրիասկո Բալեկյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am