Կուադրադո. «Ես չէի ցանկանում դա անել. պատահական ստացվեց»🎥

Իտալական Ա սերիայի 16-րդ տուրում «Յուվենտուսը» սեփական հարկի տակ 2:0 հաշվով հաղթեց «Ջենոային»։

Այդ խաղում թուրինինյան ակումբի կազմից 9-րդ րոպեին տպավորիչ գոլի հեղինակ է դարձել Խուան Կուադրադոն` անկյունայինից կատարած ուղիղ հարվածով գրավելով մրցակցի դարպասը։

Խաղից հետո տեղի ունեցած մամուլի ասուլիսի ժամանակ կոլումբացի ֆուտբոլիստը նշել է, որ այդ գոլը պատականության արդյունքում է ստացվել.

«Ես չէի ցանկանում դա անել. պատահական ստացվեց։ Ես ցանկանում էի փոխանցում կատարել դեպի մոտակա դարպասաձողը, սակայն գնդակը սպասվածից ավելի շատ բարձրացավ»,- նշել է Կուադրադոն, ում խոսքերը մեջբերում է Football Italia-ն։