Կոուտինիոն վերադարձել է Բարսելոնա և վերսկսել մարզումները📷
04/09/2020 - 13:14
«Բարսելոնայի» կիսապաշտպան Ֆիլիպե Կոուտինիոն, ով ավարտված մրցաշրջանը վարձավճարով անցկացրեց «Բավարիայի» կազմում, վերադարձել է Կատալոնիայի մայրաքաղաք։
«Կապտանռնագույնների» պաշտոնական Twitter-ի օգտահաշվում լուսանկար է հրապարակվել, որտեղ երևում է, որ բրազիլացի ֆուտբոլիստը միացել է «բլաուգրանասի» մարզումային խմբին՝ պատրաստվելով նոր մրցաշրջանին։
Հիշեցնենք, որ 2019/20 մրցաշրջանում Ֆիլիպե Կոուտինիոն «Բավարիայի» հետ նվաճեց բոլոր հնարավոր տիտղոսները՝ Չեմպիոնների լիգան, Բունդեսլիգան, ինչպես նաև Գերմանիայի գավաթը։ Կոուտինիոն բոլոր մրցաշարերի շրջանակում մասնակցեց 38 հանդիպման՝ դառնալով 11 գոլի և 9 գոլային փոխանցման հեղինակ։