ԿԼ. «Լեգիան» սենսացիոն հաղթանակ է տարել «Չելսիի» նկատմամբ 🎥

Կոնֆերենցիաների լիգայի քառորդ եզրափակիչի պատասխան խաղում Վարաշավայի «Լեգիան» «Սթեմֆորդ Բրիջ» ստադիոնում մրցել է «Չելսիի» դեմ։

Հիշեցնենք, որ դիմակայության առաջին խաղում լոնդոնյան գրանդը հաղթել էր 3:0 հաշվով։

Պատասխան խաղում գերխոշոր անակնկալ է գրանցվել. լեհական թիմը 2:1 հաշվով սենսացիոն հաղթանակ է տարել։

Գոնսալու Ֆեյուի գլխավորած թիմից մեկական գոլ են խփել Տոմաշ Պեկհարտն ու Սիթվ Կապուդին։ «Ազնավականներից» դարպասի գրավմամբ աչքի է ընկել Մարկ Կուկուրելիան։

«Բանակայինների» կազմից հանդիպմանը մասնակցել է նաև Հայաստանի ազգային հավաքականի կիսապաշտպան Վահան Բիչախչյանը, որը փոխարինման է մտել 86-րդ րոպեին։

Նշենք, որ «Չելսին» Կոնֆերենցիաների լիգայի ընթացիկ խաղարկությունում առաջին պարտությունն է կրել։ Էնցո Մարեսկայի սաները հաղթել էին մրցաշարի նախորդ բոլոր 9 խաղերում։

Չնայած սենսացիոն հաղթանակին` «Լեգիան» դուրս է մնացել պայքարից։ Անգլիական գրանդն ընդհանուր դիմակայությունում առավելության է հասել 4:2 հաշվով և մրցաշարի կիսաեզրափակիչում կմրցի շվեդական «Յուրգորդենի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից