Կադիսը կրկին ոչ-ոքի խաղաց. Հարոյանը մասնակցեց ողջ հանդիպմանը🎥

Կադիսը կրկին ոչ-ոքի խաղաց. Հարոյանը մասնակցեց ողջ հանդիպմանը🎥

21/08/2021 - 01:15

Լա լիգայի 2-րդ տուրի շրջանակում «Կադիսը» հյուրընկալվելիս մրցեց «Բետիսի» դեմ։

Հանդիպման հաշիվն արդեն 11-րդ րոպեին բացեցին «Կադիսի» ֆուտբոլիստները. 11-մետրանոցից աչքի ընկավ վետերան հարձակվող Ալվարո Նեգրեդոն։

Սևիլիան ներկայացնող ակումբի պատասխանը չուշացավ, քանի որ 22-րդ րոպեին Խուանմին խփեց պատասխան գնդակը։

Հանդիպման մնացած ժամանակահատվածում, չնայած «Բետիսի» ֆուտբոլիստներն ունեին տարածքային ու խաղային առավելություն, խաղի հաշիվն այլևս չփոխվեց։

Այսպիսով, «Բետիսն» ու «Կադիսը» բաժանվեցին խաղաղությամբ. գրանցվեց 1:1 հաշիվը։

Թե՛ «Կադիսը» և թե՛ «Բետիսը» մեկնարկային երկու խաղերում էլ գրանցել են ոչ-ոքի արդյունք և վաստակած 2 միավորով կիսում են 6-7-րդ հորիզոնականները։

Հավելենք, որ «Կադիսի» կազմում ողջ հանդիպմանը մասնակցել է նաև Վարազդատ Հարոյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor