Լևանդովսկի. «Բարսան հսկայական ներուժ ունի»

Իսպանական Լա լիգայի 29-րդ տուրում «Բարսելոնան» հյուրընկալվելիս 3:0 հաշվով հաղթեց «Ատլետիկո Մադրիդին»։

Հանդիպումից հետո իր տպավորություններով է կիսվել «բլաուգրանայի» հարձակվող Ռոբերտ Լևանդովսկին.

«Մենք հիանալի հանդիպում անցկացրինք, և ես ուրախ եմ, որ դարձա մեկ գոլի և երկու գոլային փոխանցման հեղինակ, սակայն կարծում եմ, որ ավելի լավ կլիներ, եթե մենք ավելի թեթև գործեինք դաշտում։

Մենք ցանկանում ենք առաջ շարժվել և պետք է խաղանք և հաղթենք յուրաքանչյուր խաղում։ Գիտենք, թե ինչ ֆուտբոլ կարող ենք ցույց տալ. «Բարսան» հսկայական ներուժ ունի»,- մեջբերում է Marca-ն։

Լևանդովսկին 2023/24 մրցաշրջանում 39 խաղում դարձել է 20 գոլի և 9 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am