Լիվերպուլի ֆուտբոլիստները ստացան բաղձալի գավաթը?
23/07/2020 - 01:51
Անգլիական Պրեմիեր լիգայի 37-րդ տուրի շրջանակում «Լիվերպուլը» սեփական հարկի տակ գոլառատ խաղում 5։3 հաշվով հաղթեց «Չելսիին»։
Խաղից անմիջապես հետո Պրեմիեր լիգայի ղեկավարությունը կազմակերպեց «Լիվերպուլի» ֆուտբոլիստների պարգևատրման արարողությունը, ինչից հետո մերսիսայդյան ակումբի նախկին լեգենդար ֆուտբոլիստ և մարզիչ Քենի Դալգլիշը Պրեմիեր լիգայի գավաթը հանձնեց ակումբի ավագ Ջորդան Հենդերսոնին։
Հիշեցնենք, որ «Լիվերպուլն» առաջին անգամ է նվաճում Պրեմիեր լիգայի չեմպիոնի տիտղոսը, իսկ ընդհանրապես վերջին անգամ Անգլիայի չեմպիոն դարձել էր շուրջ 30 տարի առաջ՝ 1990 թվականին։
# ԱՊԼ, Լիվերպուլ