Լիվերպուլը նախապատրաստվում է խոշոր տրանսֆեր իրականացնել

«Նապոլիի» պաշտպան Կալիդու Կուլիբալին, ամենայն հավանականությամբ, ամռանը կփոխի ակումբային գրանցումը։

Ինչպես տեղեկացնում է Daily Mail-ը՝ հղում կատարելով La Gazetta dello Sport-ին, սենեգալցի պաշտպանի համար պայքարում ֆավորիտը «Լիվերպուլն» է։ Մերսիսայդյան ակումբը պատրաստ է այդ գործարքի մեջ ներառել նաև Դեյան Լովրենին։

Խաղացողին հավակնում են նաև «Մանչեսթեր Յունայթեդը» և «Ռեալը», սակայն նշվում է, որ այդ ակումբների համար կենտրոնական պաշտպան ձեռքբերելը չի համարվում տրանսֆերային նպատակ։ Խաղացողի նկատմամբ հետաքրքրություն է պահպանում նաև ՊՍԺ-ն։

Նշվում է նաև, որ «Նապոլին» խաղացողի վաճառքից ցանկանում է նվազագույնը ստանալ 90 մլն եվրո։