Լիվերպուլը թոփ-5 առաջնությունների բացարձակ ռեկորդ է գրանցել
12/01/2020 - 00:09
Անգլիական Պրեմիեր լիգայի 22-րդ տուրի շրջանակում «Լիվերպուլը» հյուրընկալվելիս 0։1 հաշվով առավելության հասավ «Տոտենհեմի» նկատմամբ։
«Լիվերպուլը» դարձավ եվրոպական թոփ-5 առաջնությունների առաջին ակումբը, որին հաջողվել է առաջին 21 հանդիպումներից 20-ը հասցնել հաղթական ավարտի։ Մերսիսայդյան ակումբը 21 խաղում վաստակել է 61 միավորը, ինչը նույնպես դարձել է եվրոպական թոփ-5 առաջնությունների լավագույն արդյունքը։ Այս մասին տեղեկացնում է Opta-ն։
Նշենք, որ «Լիվերպուլը», ԱՊԼ-ի մյուս թիմերի համամատ, մեկ խաղ պակաս է անցկացրել՝ աշխարհի ակումբային առաջնության պատճառով բաց թողնելով 18-րդ տուրի «Վեսթ Հեմի» դեմ խաղը, որը կկայանա հունվարի 29-ին։