Իրանը հաղթեց Իրաքին` նվաճելով ԱԱ խմբային փուլի ուղեգիր🎥
Աշխարհի 2022 թ. առաջնության Ասիայի գոտու որակավորման փուլի 7-րդ տուրում Իրանի հավաքականը A խմբի շրջանակում Թեհրանի «Ազադի» մարզադաշտում մրցեց Իրաքի ընտրանու դեմ։
Հանդիպման ողջ ընթացքում Դրագան Սկոշիչի ունեին մեծ առավելություն, սակայն մրցակցի դարպասն ուղարկեցին ընդամենը 1 գոլ և հաղթեցին 1:0 հաշվով։
Հանդիպման միակ գնդակը 48-րդ րոպեին խփեց Մեհդի Թարեմին։
Այս խմբում կայացել է ևս երկու հանդիպում.
Լիբանան 0:1 Հարավային Կորեա
Արաբական Միացյալ Էմիրություններ 2:0 Սիրիա
A խումբը 7-րդ տուրից հետո ստացավ հետևյալ տեսքը.
- Իրան – 19 միավոր
- Հվ. Կորեա – 17 միավոր
- ԱՄԷ – 9 միավոր
- Լիբանան – 5 միավոր
- Իրաք – 4 միավոր
- Սիրիա – 2 միավոր
Այսպիսով, Իրանի հավաքականը որակավորման փուլի ավարտից 3 տուր առաջ անհասանելի դարձավ 3-րդ հորիզոնականը զբաղեցնող ԱՄԷ-ի հավաքականի համար` նվաճելով աշխարհի առաջնության խմբային փուլի ուղեգիր։
Իրանը 14-րդ հավաքականն է, որը նվաճում է ԱԱ-2022-ի խմբային փուլի ուղեգիր։
Մրցաշարի ուղեգիր են նվաճել նաև Գերմանիայի, Դանիայի, Ֆրանսիայի, Բելգիայի,Խորվաթիայի, Իսպանիայի, Սերբիայի, Անգլիայի, Շվեյցարիայի, Հոլանդիայի, Արգենտինայի, Բրազիլիայի ու Քաթարի հավաքականները։
Նշենք, որ Իրանի հավաքականը 5-րդ անգամ է մասնակցելու աշխարհի առաջնության խմբային փուլին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am