Իտալական կրքեր «Սան Սիրոյում». Յուվենտուսը համառ պայքարում հաղթեց Միլանին🎥

Իտալական Ա սերիայի 9-րդ տուրի կենտրոնական խաղում «Յուվենտուսը» «Սան Սիրո» մարզադաշտում հյուրընկալվելիս մրցեց «Միլանի» դեմ։

Համառ պայքարում ընթացած խաղում «բյանկոներիները» հաղթեցին 1:0 հաշվով։

Մասիմիլիանո Ալեգրիի թիմին հաղթանակ պարգևեց 63-րդ րոպեին Մանուել Լոկատելիի խփած միակ գոլը։

Հանուն արդարության` նշենք, որ «ռոսոներիները» 40-րդ րոպեից խաղում էին 10 ֆուտբոլիստներով. վերջին հույսի խախտման համար դաշտից հեռացվեց Մալիկ Թիաուն։

Այս հաղթանակից հետո թուրինյան ակումբը վաստակեց 20 միավոր և զբաղեցնում է 3-րդ հորիզոնականը։

«Միլանը» մնաց 21 միավորով և նահանջեց 2-րդ հորիզոնական` ընթացիկ տուրում Ա սեիրիայի առաջատարի դիրքը զիջելով «Ինտերին», որի ակտիվում կա 22 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am