Իտալական գրանդը հետաքրքրված է Կավանիի ծառայություններով

Իտալական գրանդը հետաքրքրված է Կավանիի ծառայություններով

12/12/2021 - 14:57

«Մանչեսթեր Յունայթեդի» հարձակվող Էդինսոն Կավանին, ամենայն հավանականությամբ, շուտով կփոխի ակումբային գրանցումը։

Ինչպես տեղեկացնում է Football Italia-ն, «Յուվենտուսը» նոր կենտրոնական հարձակվող է փնտրում և այդ դիրքի ամրապնդման հիմնական թեկնածուն հենց Կավանին է։

Ինքը` ուրուգվայցի ֆուտբոլիստը, նույնպես ցանկանում է հեռանալ մանկունյական ակումբից և վերադառնալ Ա սերիա։

Նշվում է, որ բացի Կավանիից, «բյանկոներիները» հետաքրքրված են նաև Դուշան Վլահովիչի («Ֆիորենտինա») և Ջանլուկա Սկամակայի («Սասուոլո») ծառայություններով։

Հիշեցնենք, որ Կավանին 2007-2013 թթ. արդեն հանդես եկել է Ա սերիայում` պաշտպանելով «Պալերմոյի» և «Նապոլիի» գույները։

Ինչ վերաբերում է իր ներկայիս ակումբին` «Մանչեսթեր Յունայթեդին», ապա դրա կազմում հանդես է գալիս 2020 թ. հոկտեմբերից, որի մարզաշապիկով անցկացրել է 47 հանդիպում և խփել 18 գոլ ու կատարել 6 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022