Իսպանիան հաղթեց Պորտուգալիային` դառնալով Եվրոպայի 8-ակի չեմպիոն 📸
Ֆուտզալի Իսպանիայի ազգային հավաքականը դարձավ Եվրոպայի 8-ակի չեմպիոն։
«Ֆուրիա ռոխան» Եվրո-2026-ի եզրափակիչում գոլառատ պայքարում 5:3 հաշվով հաղթեց գործող չեմպիոն Պորտուգալիայի հավաքականին։
Իսպանացիներից հեթ-տրիկ գրանցեց «Բարսելոնայի» պաշտպան Անտոնիո Պերեսը։ Մեկական գոլ խփեցին նաև Խոսե Ռայան ու Ադոլֆոն։
Պորտուգալացիներից աչքի ընկան Աֆոնսո Ժեզուշը, Ռուբեն Գոյիշը և Պաուլետան։
Իսպանացիները չեմպիոնությունների քանակով ռեկորդակիր են Եվրոպայում։ Նրանք նախորդ անգամ տիտղոսը նվաճել էին 10 տարի առաջ` 2016 թվականին։
Հիշեցնենք, որ պատմության մեջ առաջին անգամ մրցաշարին մասնակցում էր Հայաստանի ազգային հավաքականը` հասնելով մինչև քառորդ եզրափակիչ։
Ռուբեն Նազարեթյանի գլխավորած թիմին պայքարից դուրս թողած Խորվաթիայի հավաքականը զբաղեցրեց երրորդ տեղը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Եվրո-2026-ֆուտզալ, Հայաստանի ֆուտզալի հավաքական, ֆուտզալ, Ֆուտզալի Իսպանիայի հավաքական, Ֆուտզալի Խորվաթիայի հավաքական, Ֆուտզալի Պորտուգալիայի հավաքական