Իսպանացի անվանի մրցավարը կսպասրկի Հայաստան – Հունգարիա հանդիպումը

ՈՒԵՖԱ-ի պաշտոնական կայքում հրապարակվել է ԱԱ-2026-ի եվրոպական գոտու ընտրական մրցաշարի F խմբի 5-րդ տուրի Հայաստան – Հունգարիա հանդիպման մրցավարական անձնակազմը։

Գլխավոր մրցավար – Խոսե Մարիա Սանչես Մարտինես,

Եզրային մրցավարներ – Ռաուլ Կաբանյեռո, Ինիգո Պրիետո,

Տեսաօգնականներ – Կառլոս դե Սերո Գրանդե, Վալենտին Գոմես,

Չորրորդ մրցավար – Խուան Մարտինես Մունուեռա։

42-ամյա Սանչես Մարտինեսը կարիերայում 203 հանդիպում է սպասարկել Իսպանիայի Լա լիգայում, ցույց տվել 1103 դեղին, 45 կարմիր քարտ, նշանակել 59 11-մետրանոց։

Անվանի մրցավարը կարիերայում ամենաշատ հանդիպումները սպասարկել է Մադրիդի «Ռեալի» (40) և «Բարսելոնայի» (36) մասնակցությամբ։

Իսպանացի մրցավարը նախկինում արդեն երկու անգամ աշխատել է Հայաստանի հավաքականի մասնակցությամբ խաղերում։ Նա սպասարկել է Հայաստան – Հյուսիսային Մակեդոնիա (2021թ. նոյեմբերի 11, 0:5) և Հայաստան – Թուրքիա (2023թ. մարտի 25, 1:2) հանդիպումները։

Սանչես Մարտինեսը Հունգարիայի մասնակցությամբ խաղում կաշխատի երկրորդ անգամ։ Առաջինը եղել է 2022թ. հունիսի 1-ին Գերմանիայի դեմ Ազգերի լիգայի խաղարկության խմբայի փուլի խաղում (1:1)։

Հայաստան – Հունգարիա հանդիպումը կկայանա նոյեմբերի 13-ին, մեկնարկը` ժամը 21:00-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml