Ինտերի չեմպիոնական բնավորությունը.     Ինձզագիի թիմը ծանր հաղթանակ կորզեց Վենեցիայի դեմ խաղում

Ինտերի չեմպիոնական բնավորությունը. Ինձզագիի թիմը ծանր հաղթանակ կորզեց Վենեցիայի դեմ խաղում

22/01/2022 - 23:07

Իտալական Ա Սերիայի 23-րդ տուրի շրջանակում «Ինտերը» սեփական հարկի տակ մրցեց հետնապահների թվում ընթացող «Վենեցիայի» դեմ։

Հանդիումը բավական անսպասելի ընթացք ստացավ, քանի որ արդեն 19-րդ րոպեին հյուրերը Տոմա Անրիի խփած գոլի շնորհիվ բացեցին խաղի հաշիվը։

Բաց թողած գոլից հետո Սիմոնե Ինձզագիի սաները մեծ ուժերով նետվեցին առաջ և ստեղծեցին մի շարք գոլային պահեր ու, ի վերջո, 40-րդ րոպեին խփեցին պատասխան գնդակը. աչքի ընկավ Նիկոլո Բարելան։

Կողմերն ընդմիջման գնացին 1:1 հաշվով։

Երկրորդ խաղակեսի ողջ ընթացքում էլ «Ինտերն» ուներ տարածքային տոտալ առավելություն, սակայն միլանյան ակումբին չէր հերիքում սրությունը։

«Ինտերը» երկար ժամանակ չէր կարողանում առաջ անցնել հաշվի մեջ, և երբ թվում էր` խաղը կավարտվի 1:1 հաշվով, 90-րդ րոպեին հերոսացավ միլանյան ակումբի 35-ամյա հարձակվող Էդին Ջեկոն, ով հաղթանակ պարգևեց իր թիմին։

Այսպիսով, «Ինտերը» համառ պայքարում 2:1 հաշվով հաղթեց «Վենեցիային», վաստակեց 53 միավոր և ամրապնդվեց մրցաշարային աղյուսակի 1-ին հորիզոնականում։

«Վենեցիան», 18 միավորով, 17-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022