«Ինտերը» ֆանտաստիկ խաղով ջախջախեց «Սասուոլոյին» 🎥

Իտալիայի Ա սերիայի 24-րդ տուրում «Ինտերը» մրցակցի դաշտում 5:0 հաշվով ջախջախեց «Սասուոլոյին»։

«Ներաձուրիից» մեկական գոլ խփեցին Յան Բիսեկը, Մարկուս Թյուրամը, Լաուտարո Մարտինեսը, Մանուել Ականջին ու Լուիս Էնրիկեն։

Միլանյան գրանդից 3 ասիստ գրանցեց Ֆեդերիկո Դիմարկոն։ Իտալացի լատերալը 12 գոլային փոխանցումով Ա սերիայի ընթացիկ մրցաշրջանի լավագույն ասիստենտն է։

Համեմատության համար` նշենք, որ նախորդ մրցաշրջանի լավագույն ասիստենտ Ռոմելու Լուկակուն («Նապոլի») կատարել էր 10 արդյունավետ փոխանցում։

«Ինտերից» հանդիպմանը մասնակցեց Հայաստանի ազգային հավաքականի նախկին ավագ Հենրիխ Մխիթարյանը` փոխարինվելով 70-րդ րոպեին։

Քրիստիան Կիվուի գլխավորած թիմը 58 միավորով առաջին տեղում է, «Սասուոլոն»` 29 միավորով 11-րդ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml