Իկարդին համաձայն է տեղափոխվել Նապոլի

«Ինտերի» հարձակվող Մաուրո Իկարդին ցանկանում է տեղափոխվել «Նապոլի»:

Ինչպես հայտնում է Tuttosport-ը, նեապոլական ակումբը առաջարկ է արել, որի մանրամասները դեռ չեն հրապարակվում: Ըստ պարբերականի՝ ֆուտբոլիստը գոհ է առաջարկից: Իկարդիի կին և գործակալ Վանդա Նարան արդեն դիտարկում է ֆուտբոլիստի՝ «Նապոլի» տեղափոխվելու տարբերակները:

Ավելի վաղ հայտնի էր դարձել, որ Իկարդին հետաքրքրում է «Յուվենտուսին»:

Ա սերիայի նախորդ մրցաշրջանում անցկացրած 29 հանդիպումներում արգենտինացի հարձակվողը խփել է 11 գոլ և կատարել 4 գոլային փոխանցում: