Թրիլլեր Վարշավայում. Սպարտակը 90+7-րդ րոպեին հետ մղած 11-մետրանոցի շնորհիվ դուրս եկավ  ԵԼ-ի 1/8 եզրափակիչ🎥

Թրիլլեր Վարշավայում. Սպարտակը 90+7-րդ րոպեին հետ մղած 11-մետրանոցի շնորհիվ դուրս եկավ ԵԼ-ի 1/8 եզրափակիչ🎥

10/12/2021 - 11:10

Եվրոպա լիգայի խմբային փուլի վերջին` 6-րդ տուրում Մոսկվայի «Սպարտակը» C խմբի շրջանակում Վարշավայում մրցեց տեղի «Լեգիայի» դեմ։

Մոսկովյան ակումբ Զելիմխան Բակաևի 17-րդ րոպեին խփած գոլի շնորհիվ մինչև 90+7-րդ րոպեն հաղթում էր տանտերերին, սակայն խաղավարտին «Սպարատկի» դարպասին նշանակվեց 11-մետրանոց հարված։

Նշակետին մոտեցավ «Լեգիայի» հարձակվող Տոմաշ Պեկհարտը, սակայն չեխ ֆուտբոլիստի հարվածից հետո «Սպարտակին» փրկեց դարպասապահ Ալեքսանդր Սելիխովը` պահպանելով հաղթական հաշիվը։

Այս հաղթանակի շնորհիվ Ռուի Վիտորիայի թիմը վաստակեց 10 միավոր և առաջ անցավ «Նապոլիից» ու «Լեսթերից» ու խմբում զբաղեցրեց առաջին հորիզոնականը` նվաճելով Եվրոպա լիգայի 1/8 եզրափակիչի ուղեգիր։

Նմենք, որ եթե «Սպարտակը» չհաղթեր, ապա C խմբում կզբաղեցներ միայն 3-րդ հորիզոնականը և դուրս կմնար Եվրոպա լիգայից ու պայքարը կշարունակեր Կոնֆերենցիաների լիգայի 1/16 եզրափակիչում։

C խմբից Եվրոպա լիգայի փլեյ-օֆֆ-ի ուղեգիր նվաճեց նաև «Նապոլին», որը համառ պայքարում 3:2 հաշվով հաղթեց «Լեսթերին» ու 2022 թ. գարնանը հանդես կգա մրցաշարի 1/16 եզրափակիչում։

Ինչ վերաբերում է «Լեսթերին», ապա «աղվեսները» կխաղան Կոնֆերենցիաների լիգայի 1/16 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022