Երկու գրանդ ակումբներ հետաքրքրված են Սիմոնե Ինձզագիի ծառայություններով

«Ինտերի» գլխավոր մարզիչ Սիմոնե Ինձզագին, հնարավոր է, շուտով փոխի ակումբային գրանցումը։

Ինչպես տեղեկացնում է Corriere dello Sport-ը, 45-ամյա մասնագետի ծառայություններով հետաքրքրված են «Ատլետիկո Մադրիդն» ու «Մանչեսթեր Յունայթեդը»։

Հաղորդվում է, որ երկու ակումբների ներկայացուցիչներն էլ կապվել են Ինձզագիի գործակալի հետ` քննարկելով մարզչի հետագա ծրագրերը։

Հաղորդվում է, որ «Ինտերը» ոչ մի կերպ չի ցանկանում բաց թողնել իր մարզչին և պատրաստվում է կրկնապատկել նրա աշխատավարձը, որն այժմ կազմում է 1.5 մլն եվրո։

Հատկանշական է, որ Ինձզագին դեմ չէ աշխատել Իտալիայի սահմաններից դուրս և այդ նպատակով պատրաստվում է սովորել անգլերեն։

Հիշեցնենք, որ Ինձզագին «Ինտերի» գլխավոր մարզիչ է նշանակվել 2021 թ. հունիսին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am