Դոնարուման պայմանագիր է համաձայնեցրել իր հավանական նոր ակումբի հետ

«Միլանի» դարպասապահ Ջանլուիջի Դոնարուման, ով սույն թվականի հունիսի 30-ից հետո դառնալու է ազատ գործակալ, ամենայն հավանականությամբ, կարիերան կշարունակի ՊՍԺ-ի կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, 22-ամյա դարպասապահն արդեն ընդունել է փարիզյան ակումբի կատարած առաջարկը։

Աղբյուրի փոխանցմամբ` կողմերի միջև կնքվելու է 5 տարվա պայմանագիր, իսկ Դոնարումայի տարեկան աշխատավարձը կազմելու 12 մլն եվրո։

Նա «Պարի Սեն-Ժերմենի» շարքերը կհամալրի անվճար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am