Դենիս Թումասյանը՝ Ալաշկերտի ֆուտբոլիստ

Դենիս Թումասյանը՝ Ալաշկերտի ֆուտբոլիստ

27/01/2019 - 18:39

«Ալաշկերտն» առաջին նշանակալի ձեռքբերումը կատարեց ձմեռային տրանսֆերային պատուհանի ընթացքում:

Թիմի կազմը համալրել է փորձառու կենտրոնական պաշտպան, Հայաստանի ազգային հավաքականի թեկնածու Դենիս Թումասյանը:

Պայմանագիրը նախատեսված է մինչև 2020 թվականի օգոստոսը:

Թումասյանը «Ալաշկերտ» է տեղափոխվել Ռուսաստանի Պրեմիեր լիգայում հանդես եկող «Ուֆայից»:

Կարիերայի ընթացքում 33-ամյա ֆուտբոլիստը հանդես է եկել նաև Ֆինլանդիայի «Յարոյում», ռուսական ԲՄԱ-ում, «Տորպեդոյում» և «Ուրալում»: Եկատերինբուրգը ներկայացնող ակումբի կազմում Թումասյանը ավելի քան 100 հանդիպում է անցկացրել, եղել է թիմի ավագը:

«Ալաշկերտի» նորեկն արդեն միացել է թիմին Անթալիայում և առաջին մարզումն է անցկացրել:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022