Աղբյուր․ «Ալաբան առաջարկներ է սպասում ԱՊԼ-ի ակումբներից. Ռեալի հետ բանակցությունները չեն թևակոխել վճռորոշ փուլ»

«Բավարիայի» պաշտպան Դավիդ Ալաբան, ամենայն հավանականությամբ, կլքի մյունխենյան ակումբը այս ամառ։

Ինչպես տեղեկացնում է Bild-ը, ավստիացի ֆուտբոլիստի գործակալ Պինի Զահավիի և «Ռեալի» միջև բանակցությունները չեն թևակոխել վճռորոշ փուլ։

Այդ իսկ պատճառով Ալաբան առաջարկներ է սպասում անգլիական Պրեմիեր լիգայի ակումբներից։

Նշվում է, որ 28-ամյա ֆուտբոլիստը պատրաստ է հրաժարվել Լա լիգայում խաղալու ցանկությունից, եթե անգլիական ակումբներից արժանի առաջարկներ ստանա։

Ինչպես նշում է աղբյուրը, պաշտպանի ծառայություններով հետաքրքրված է «Չելսին»։

Տեղեկացնենք, որ ավստրիացու պայմանագիրը մյունխենյան ակումբի հետ նախատեսված է մինչև սույն թվականի հունիսի 30-ը, որից հետո նա կարող է տեղափոխվել այլ ակումբ ազատ գործակալի կարգավիճակով, և որ ամենակարևորն է, բացարձակ անվճար։

Գերմանական Բունդեսլիգայի շրջանակում Դավիդ Ալաբան ընթացիկ մրցաշրջանում մասնակցել է 18 հանդիպման՝ դառնալով 2 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am