Գերմանական ֆուբտոլի գլխավոր լրագրողներից մեկը տեղեկություն է հայտնել Ռանոսի ապագայի վերաբերյալ

Ինչպես արդեն տեղեկացրել ենք, «Բավարիայի» երիտասրադական թիմի հարձակվող Հրանտ-Լեոն Ռանոսը մոտ է ակումբային գրանցումը փոխելուն և «Բորուսիա Մյոնխենգլադբախի» կազմում կարիերան շարունակելուն:

Գերմանական ֆուտբոլի գլխավոր լրագրողներից մեկը՝ Sky Sports Deutschland-ի թղթակից Ֆլորիան Պլետենբերգը հայտնում է, որ 19-ամյա ֆուտբոլիստը մինչև 2027 թ. հունիսի 30-ը պայմանագիր է համաձայնեցրել մյոնխենգլադբախյան ակումբի հետ:

Պլետենբերգը Twitter-ի իր միկրոբլոգում գրում է, որ Ռանոսը դեռևս ամբողջությամբ չի անցել բժշկական բոլոր հետազոտությունները:

Հաղորդվում է նաև, որ Ռանոսի՝ «Բորուսիա» տեղափոխությամբ ամենաշատը շահագրգռված է ակումբի սպորտային տնօրեն Ռոլանդ Վիրկուսը:

Այդուհանդերձ, աղբյուրը հաստատում է, որ գործարքը դեռևս վերջնական կայացած չէ:

Հավելենք, որ Ռանոսի և «Բավարիայի» միջև գործող պայմանագիրն ավարտվում է սույն թվականի հունիսի 30-ին և նա, ամենայն հավանականությամբ, ազատ գործակալի կարգավիճակում կլքի «ռեկորդ մայսթերի» շարքերը:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am