Բարսելոնան Դեմբելեի տրանսֆերի հարցում բանակցում է եվրոպական գրանդներից մեկի հետ

«Բարսելոնայի» հարձակվող Ուսման Դեմբելեն, հնարավոր է, արդեն ձմեռայի տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է Diaro Sport-ը, կատալոնական ակումբը Դեմբելեի տրանսֆերի հարցում բանակցություններ է վարում ՊՍԺ-ի հետ։

Foot Mecato-ն էլ հայտնում է, որ փարիզյան ակումբը բանավոր համաձայնության է հասել 24-ամյա վինգերի հետ։

Աղբյուրի փոխանցմամբ` ֆրանսիացի ֆուտբոլիստը ՊՍԺ-ին տվել է իր համաձայնությունը և ակումբի շարքերն ազատ գործակալի կարգավիճակով կհամալրի ամռանը։

Հաղորդվում է, որ միայն անհավանական շրջադարձը կարող է խանգարել գործարքի իրագործմանը։

Հայտնի ինսայդեր Ֆաբրիցիո Ռոմոնան էլ Twitter-ի իր էջում հաստատել է, որ «բլաուգրանասն» ու «Փարիզը» հունվարի 30-ին բանակցություններ են վարել փոխանակում իրականացնելու հարցում, սակայն կողմերը լուծում չեն գտել։

Սպասվում է, որ հունվարի 31-ին «Բարսայի» ու ՊՍԺ-ի ներկայացուցիչները կրկին կհանդիպեն` փորձելով գործարքն ավարտին հասցնել։

Հայտնի է, որ Ուսման Դեմբելեն ընթացիկ մրցշարջանի ավարտից հետո դառնալու է ազատ։ «Բարսելոնան» մի քանի անգամ փորձել է երկարաձգել պայմանագիրն իր ֆուտբոլիստի հետ, սակայն կողմերն այդպես էլ չեն հասել համաձայնության։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am