Բարսելոնան Բուսկետսին պայմանագրի երկարաձգման առաջարկ է արել

«Բարսելոնան» կարծես թե մտափոխվել է Սերխիո Բուսկետսի ապագայի հարցում և այժմ անում է ամեն ինչ` նրան թիմում պահելու համար։

Ինչպես տեղեկացնում է El Partidazo de COPE-ն, «բլաուգրանան» 34-ամյա ֆուտբոլիստին պայմանագրի երկարաձգման առաջարկ է կատարել։

Նշվում է, որ կատալոնական ակումբն իր ավագին առաջարկել է պայմանագիր «1+1» ձևաչափով` աշխատավարձի էական կրճատումով։

Հաղորդվում է, որ Բուսկետսն արդեն ուսումնասիրում է պայմանագրի առաջարկը։

Հավելենք` ավելի վաղ կային տեղեկություններ, որ ընթացիկ մրցաշրջանի ավարտից հետո Բուսկետսն ազատ գործակալի կարգավիճակով կլքի «կապտանռնագույնների» շարքերը և կհամալրի ՄԼՍ-ը ներկայացնող ակումբներից մեկի շարքերը։ Իսպանացի ֆուտբոլիստի հետ պայմանագիր կնքելուն ամենամոտը եղել է «Ինտեր Մայամին»։

Վերջում ավելացնենք, որ Բուսկետսը «Բարսելոնայի» սան է, որ կազմում մինչ օրս անցկացրել է 712 հանդիպում` դառնալով 18 գոլի և 44 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am