Բարսայի երկրպագուները խանգարել են ՊՍԺ-ի ֆուտբոլիստների քունը🎥
16/02/2021 - 16:00
Չեմպիոնների լիգայի 1/8 եզրափակչի շրջանակում «Բարսելոնան» փետրվարի 16-ին սեփական հարկի տակ կընդունի ՊՍԺ-ին։
Փարիզյան ակումբն արդեն Բարսելոնայում է և պատրատսվում է հանդիպմանը, սակայն նախքան խաղը ՊՍԺ-ի ֆուտբոլիստներին «անակնկալներ» էին սպասվում։
Ինչպես տեղեկացնում է El Chiringuito TV-ն, կատալոնական ակումբի երկրպագուներն ուշ գիշերին հրավառություն են արել այն հյուրանոցի հարևանությամբ, որտեղ հանգրվանել են «Պարի Սեն-Ժերմենի» ֆուտբոլիստները։
Հիշեցնենք, որ «Բարսայի» երկրպագուները օդանավակայանում դիմավորել էին ՊՍԺ-ի ներկայացուցիչներին և վիրավորական արտահայտություններ թույլ տվել ֆրանսիական ակումբի նախագահի հասցեին։